CONTOH UPACARA ADAT PERPISAHAN SEKOLAH

UPACARA ADAT PERPISAHAN KELAS SALAPAN

SMP NEGERI 1 SELAJAMBE TAHUN AJARAN 2016-2017

Aweuhan : goong gede ngungkung sababaraha kali, bonang, saron 1, saron panerus, jenglong sarua ditabeuh dina sora 5 (LA)

Pager ayu baris dua, dua, gulang-gulang sarua milu baris bari mawa umbul-umbul minangka rek mapag kelas salapan nu rek datang.

Prolog

1.    Dulur- dulur salembur

Baraya sasakola

Nitih wanci nu mustari

Ninggang mangsa nu utama urang papag kelas salapan

Ku maos : bismilahirrohmanirrohim

2.    Poe ieu lir malati mekar di karang

Ti suklakna, ti siklukna

Beau sing deukeut

Regepkeun bewara di kaula

3.    Sora tarik sambung lemek

Lain salemek lemekna

Poe ieu buktina kelas salapan rek datang

Prak geura hiap-urang geura papag

Pun samjun ka maha agung

Rajah

1.    Nu midamel bumi langit

Pangeran raga jeung sukma

Neda pangaping pangjaring

Tina sagala gogoda

Anu pisan anu pisin

2.    Mun anu jadi rahayu

Waluya rahayu diri

Kelas salapan sadayana

Nu dipamrih masing bukti

Nudi seja mangka nyata

Waluya tur lohjinawi

Mama lengser hatur pager ayu ngibing kalayan dipirig ku gamelan make lagu kasmaran

Lagu

1.    Kasmaran tedak haringhang

Ringrang tedak kadatuan

Lengkah lir macan tenangan

Tanding tedak pajajaran

2.    Dipayungan payung agung

Payung pangaup rahayu

Nanding ajen anu luhung

Payung agung kabuyutan

3.    Kelas salapan tos sumping

Diaping kunu garinding

Dipapag kunu garandang

Sumangga geura laleunggeah

Haturan mangga haturan

Pageur ayu jeung gulang-gulang eureun payuneun salapan sareng rombongan bapa ibu guru, kepala sakola.

Goong gede ditabeuh ngungkung pok prolog ngomong …

Prolog :

Mama lengser geura anteur kalayan aping sing caringcing pageuh kancing, sing caringceut pageuh ikeut. Anjeun sing tata, sing titi ngemban tugas.

Mama lengser datang, bari riwah riwih jiga nu riweuh

Prolog :

jampe jampe harupat, geura gede geura lumpat

jampe-jampe  kararas geura gede geura waras

puah….. puah…. Puah…. Puah…. (jiga nu nyiduh)

ti wetana, ti kulona, tikidulna, tikalerna

baeu-baeu sing deukeut.

Prolog :

Mun cunduk neda paralun

Unggah di papacuankeun bermakrarna

Urang bageakeun kelas salapan

Minangka tawis kadedeuh

Kareueus, katineng, kanyaah

Seja Bapak Kapala Sakola

Maparinan tawis katinenung

Maksad ngongkorongan ka kelas salapan

Pageur ayu balik kanan, dipirig ku lagu/ tabeuh

Gending | tatalu | seni sunda

2  1  5  4  4  4   5  1 3  2 3

Dituturkeun ku rombongan kelas salapan jeung bapa ibu guru, kapala sakola

OSIS 2017