CIRI JALMA BAKAL BAGJA (nadoman)

Hadist Nabi :

Ciri Jalma Bakal Bagja

Dawuh Nabi anu mulya

Sabelas henteu sulaya

Lenyepaneun Sadayana

        Hiji teu nyantel hatena

        Kana dunya jeung barana

        Balikanan sabalikna

        Cumantel ka akherat

Kadua resep ibadah

Ngabakti ka gusti Allah

Jeung resep maca Al-Quran

Beurang peuting getol pisan

        Tilu teu loba carita

        Salianti Saperluna

        Sumawon kana ngupatna

        Bohong Reujeung sabangsana

Kaopat estu satuhu

Kana sholat lima waktu

Apik ti mimiti wudhu

Niat ngalakonan fardu

        Kalimana apik pisan

        Dahar tara kasasaban

        Barang anu diharamkeun

        Subhat oge tara leukeun

Kagenepna sosobatan

Jeung jalma nu alus pisan

Tingkah reujeung kalakuan

Aya dina kasolehan 

Katujuhna handap asor

Tawadhu henteu takabur

Sopan ka papada batur

Henteu daek kumuluhur

        Kadalapan bangeuran

        Ka pakir miskin berehan

        Resep mere kadaharan

        Balaba tara owelan

Kasalapana nyaahan

Kasakabeh makhluk pangeran

Sumawon ka bangsa insane

Sanajan Ka sasatoan

        Ari anu sapuluhna

        Di manfaatkeun dirina

        Ka sakabeh jalma-jalma

        Barutuheun ku manehna

Ari ani ka sabelasna

Hate teu aya pegatna

Beurang peting emut kana

Maot nu bakal datangna

        Tah sakitu sadayana

        Ari ciri jalma-jalma

        Anu bakal meunang bagja

          Baris asup ka sawarga